អាណាចក្រ​បៃតង​គ្រង​ជើងឯក​ពានរង្វាន់​សម្តេច ហេង សំរិន ក្រោយ​យកឈ្នះ​សម្ព័ន្ធ​យុវជន​មុ​ស្លី​ម​កម្ពុជា ២-១

ក្រុមយុវជន​ អាណាចក្រ​បៃតង​បាន​ក្លាយជា​ម្ចាស់​ជើងពាន​រង្វាន់​សម្តេច ហេង សំរិន ប្រចាំឆ្នាំ​២០១៧ ក្រោយ​យកឈ្នះ​ក្រុម​សម្ព័ន្ធ​យុវជន​មុ​ស្លី​ម ២-១ នា​ការប្រកួត​វគ្គ​ផ្ដាច់ព្រ័ត្រ​នៅ​រសៀល​ថ្ងៃទី​៨ ខែតុលា នៅ​ពហុ​កីឡដ្ឋាន​ជាតិ​។​កីឡាករ កែវ កុសល បា​នរក​គ្រាប់​បាល់​នាំមុខ ១-០ ឲ្យ​អាណាចក្រ​បៃតង​នៅ​នាទី​ទី​២៤ មុន​កីឡាករ វ៉ា​ត់ ម៉ាត់​សាត សម្រេច​គ្រាប់​បាល់​តាម​ស្មើ ១-១ ឲ្យ​សម្ព័ន្ធ​យុវជន​មុ​ស្លី​ម​នៅ​នាទី​ទី​៤១ មុន​បញ្ចប់​វគ្គ​ទី​១​។ កីឡាករ លឹម ចាន់​លាភ បានសម្រេច​គ្រាប់​ទី​២​សម្រាប់​អាណាចក្រ​បៃតង​នៅ​នាទី​ទី​៦៩ ហើយក៏​ជា​គ្រាប់​ជ័យជម្នះ ២-១ លើ​ក្រុម​សម្ព័ន្ធ​យុវជន​មុ​ស្លី​ម​ផងដែរ​។ តែ​កីឡាករ ជា អូ​លី របស់​អាណាចក្រ​បៃតង​ត្រូវបាន​អាជ្ញាកណ្តាល​បណ្តេញ​ពី​ទីលាន​ប្រកួត​នៅ​នាទី​ ទី​៧៨ ក្រោយ​ទទួលបាន​កាត​លឿង​ពីរ​ស្មើ​កាត​ក្រហម​៕​