ដល់ករហើយក្រុមហ៊ុនWING! អ្នកប្រើគណនីWingទាំងអស់ ប្រយ័ត្នពួកHackerលួចលុយបាញ់ចេញអស់ ទុកជាអាសារបង់...

អ្នកប្រើប្រាស់គណនី WING ទាំងអស់ សូមប្រុងប្រយ័ត្នពួក Hacker លួចលុយបាញ់ ឬផ្ទេរលុយចេញអស់ពីកុងគណនីរបស់ខ្លួន! ថ្មីៗនេះកាលពីប៉ុន្មានម៉ោងមុននេះ មានបុរសម្នាក់ដែលជាអាជីវករលក់ទំនិញចាប់ហួយធម្មតាមួយតាមដងផ្ទះ បានសរសេររៀបរាប់ទាំងក្តៅក្រហាយនិងមិនអស់ចិត្ត ចំពោះករណីរឿងផ្ទាល់ខ្លួនរបស់គាត់ជាមួយនឹងក្រុមហ៊ុនWING គឺគណនីផ្ទុកប្រាក់របស់គាត់ផ្ទាល់ គឺត្រូវបានក្រុមពួក Hacker មិនដឹងមកពីណា ឬ ប្រទេសណាឡើយ ដែលបានលួច LOGIN ចូលទៅក្នុងគណនីរបស់គាត់បានសម្រេច រួចបានបាញ់ផ្ទេរលុយចេញអស់ទៅគណនីមួយទៀត តាមរយះ Website អនឡាញភ្នាល់បាល់អន្តរជាតិមួយឈ្មោះ WIN2888.COM ខាងក្រោមនេះ.....
 
នាំគ្នាស្តាប់ការនិយាយបកស្រាយរបស់គាត់ទាំងអស់គ្នា: "ខ្ញុំបាត់លុយក្នុងកុងវីង ដោយរបៀបណា ? នៅវេលាម៉ោង១២និង៥៤នាទី យប់ថ្ងៃទី០២ ឆ្លងចូលថ្ងៃទី០៣ តុលា ឆ្នាំ២០១៧ ទូរសព្ទខ្ញុំបានទទួលសារពីក្រុមហ៊ុន Wing ថា You have successfully updated new password (ប្រែថា លេខសម្ងាត់ថ្មី បានផ្លាស់ប្ដូរដោយជោគជ័យ) បន្ទាប់មកនាវេលាម៉ោង ១២ និង៥៨នាទី ៤នាទីបន្ទាប់ពីការផ្លាស់ប្ដូរលេខសម្ងាត់ថ្មី ឃើញមានសារមួយទៀតផ្ញើមកថា បានផ្ញើពីវីងទៅវីង ទៅគណនី.... ចំនួន២១៨$ (រូបទី១)បានសម្រេច ៦នាទីបន្ទាប់មកទៀត បានទទួលសារពីក្រុមហ៊ុនវីង បញ្ជាក់ថាគណនីខ្ញុំបានផ្ញើចេញទៅគណនីមួយទៀតចំនួន៩សែនរៀល....
 
"សារទាំងបីនេះ ព្រឹកឡើងទើបខ្ញុំបានបើកមើល ព្រោះខ្ញុំចូលដេកតាំងតែពីម៉ោងជាង១០យប់មកម្ល៉េះ ។ ខ្ញុំឃើញសារភ្លាមក៏បានទាក់ទងប្ដឹងទៅខាងវីងភ្លាម ដើម្បីរកដំណោះស្រាយ ប្រហែលជាពីរម៉ោងក្រោយខ្ញុំក៏បានទាក់ទងប្ដឹងទៅម្ដងទៀត ។ មួយថ្ងៃក្រោយមក ខាងក្រុមហ៊ុនវីងបានទាក់ទងមកខ្ញុំ សួរព័ត៌មានជាច្រើនដើម្បីរកវិធីសោះស្រាយបញ្ហារបស់ខ្ញុំ ហើយសុំពេលបីថ្ងៃ ។ បីថ្ងៃក្រោយមក ខាងក្រុមហ៊ុនវីង ក៏បានទាក់ទងមកម្ដងទៀតដើម្បីស្នើសុំពេល៧ថ្ងៃបន្តទៀតដើម្បីស៊ើបអង្កេតបន្ត រហូតមកដល់ថ្ងៃទី១២ម្សិលមិញនេះ អត់មានខាងក្រុមហ៊ុនវីងទាក់ទងមកទេ មិនដឹងថាគាត់ចង់ដោះស្រាយ ? ដោះស្រាយមិនបាន? ឬក៏ដោះស្រាយមិនទាន់បាននោះទេ ។ "
 
"ចំនុចដែលខ្ញុំសង្ស័យថាមានចន្លោះប្រហោងគឺនៅលើកម្មវិធីដែលវីង (Wing app for android) (រូបទីពីរ) ព្រោះវាលួចម្ដងបានទាំងពីរគណនី ហើយយកលុយចេញទាំងអស់ សល់តែលុយដែលផ្ញើអត់ចេញដែលមានចំនួនតិចបំផុតប៉ុណ្ណោះ ។ តើWing នឹងដោះស្រាយបានជូនខ្ញុំ ក្នុងរយៈពេលប៉ុន្មានថ្ងៃទៀត ? តើខ្ញុំនឹងធ្វើអ្វីទៀតដើម្បីដោះស្រាយបញ្ហានេះ ? វិធីសាស្ត្រទីមួយរបស់ខ្ញុំ គឺប្រើFacebook Power ដោយស្នើសុំមិត្តភក្តិទាំងអស់ ជួយtag share ជាមួយគណនីWing ដើម្បីពន្លឿននៃការដោះស្រាយ ។ បើវិធីសាស្ត្រទីមួយ មិនសម្រេច ខ្ញុំនឹងប្រើវិធីសាស្ត្រទីពីរ និងទីបីបន្ត ។ ខ្ញុំមិនចុះចាញ់ទេ ព្រោះខ្ញុំលក់ម្ជូរ និងចាប់ហួយ សន្សំមួយរយរៀលឡើង រឿងអីទុកឱ្យចោរលួចយ៉ាងងាយដូច្នេះ ?"